ອ່າງ​ຮັບ​ນ້ຳ​ອູ

ອ່າງຮັບນໍ້າອູ 

ອ່າງຮັບນໍ້າອູ ແມ່ນຕັ້ງຢູ່ພາກເໜືອຂອງ ສປປ ລາວ ຊຶ່ງມີຊາຍແດນຕິດກັບ ສປ ຈີນ, ສສ ຫວຽດນາມ ແລະ ມຽນມ້າ. ທີ່ຕັ້ງ ຢູ່ເສັ້ນແວງ ແລະ ເສັ້ນຂະໜານ 19˚59’ – 22˚30’ ເໜືອ ແລະ 101˚34’ – 103˚05’ ຕາເວັນອອກ. ຈຸດສູງສຸດ 1,865  (mamsl) ແລະ ຈຸດຕໍ່າສຸດ 230  (mamsl). ອ່າງຮັບນໍ້າອູ ມີເນື້ອທີທັງໝົດ 24,600 ກິໂລຕາແມັດ. 

ສາຍນໍ້າອູ ມີຄວາມຍາວ 390 ກິໂລແມັດ ຊຶ່ງປະກອບມີ 7 ສາຍນໍ້າຫຼັກ ເຊັ່ນ: ນໍ້າຂາງ, ນໍ້າຮຸນ, ນໍ້າແລ້ງ, ນໍ້າພາກ, ນໍ້າບາກ, ນໍ້ານົວ ແລະ ນໍ້າງາ.​

ໃນນີ້ ແມ່ນໄດ້ກວມເອົາ 4 ແຂວງ ເຊັ່ນ: 

1. ແຂວງຜົ້ງສາລີ ກວມເອົາເນື້ອທີ 13,​278 ກິໂລຕາແມັດ ຊຶ່ງປະກອບມີ ເມືອງ ຍອດອູ, ເມືອງ ຜົ້ງສາລີ, ເມືອງສຳພັນ, ເມືອງບຸນເໜືອ, ເມືອງ ໃໝ່, ເມືອງບຸນໃຕ້ ແລະ ເມືອງ ຂວາ.

2. ແຂວງ ຫຼວງພະບາງ ກວມເອົາເນື້ອທີ 5,542 ກິໂລຕາແມັດ ຊຶ່ງປະກອບມີ ເມືອງ ວຽງຄຳ, ເມືອງນໍ້າບາກ, ເມືອງແບງ, ເມືອງ ງາ, ເມືອງປາກແຊງ ແລະ ເມືອງຈອມເພັດ. 

3. ແຂວງອຸດົມໄຊ ກວມເອົາເນື້ອທີ 4,825 ກິໂລຕາແມັດ ຊຶ່ງປະກອບມີ ເມືອງ ນາໝໍ້, ເມືອງ ຫຼາ, ເມືອງ ງອຍ ແລະ ເມືອງ ໄຊ. 

4. ແຂວງ ຫຼວງນໍ້າທາ ກວມເອົາເນື້ອທີ 1 ກິໂລຕາແມັດ ຊຶ່ງປະກອບມີ ເມືອງ ຫຼວງນໍ້າທາ. 

ອ່າງຮັບນໍ້າອູ ແມ່ນໜຶ່ງໃນອ່າງຮັບນໍ້າທີ່ເປັນບູລິມະສິດໃນການຄຸ້ມຄອງຊັບພະຍາກອນນໍ້າ ຂອງ ສປປ ລາວ. ນອກຈາກນີ້, ຍັງເປັນອ່າງຮັບນໍ້າທີ່ອຸດົມສົມບູນ ໄປດ້ວຍຊັບພະຍາກອນທຳມະຊາດ ມີທ່າແຮງໃນການພັດທະນາ ດ້ານການທ່ອງທ່ຽວ ການພັດທະນາ ພະລັງງານໄຟຟ້າ