ການນຳໃຊ້ຕຸກນ້ຳ ຫຼື ຂວດນ້ຳ ແບບເຕີມ

ການ​ນຳ​ໃຊ້ຕຸກ​ນ້ຳ ຫຼື ຂວດ​ນ້ຳ ແບບ​ເຕີມ

ນ້ຳ ແມ່ນ​ປັດ​ໄຈ​ພື້ນ​ຖານ​ຂອງ​ສິ່ງ​ທີ່​ມີ​ຊີ​ວິດທີ່​ຂາດບໍ່​ໄດ້. ສະ​ນັ້ນ, ​ຄວາມ​ຕ້ອງການດື່ມ​ທີ່​ສະ​ອາດ ແລະ ພຽງ​ພໍ ແມ່ນ​ເປັນ​ສິ່ງ​ທີ່​ດີ​​ຕໍ່ມະ​ນຸດ ແລະ ສັດ​ສາ​ວາ​ສິ່ງ​ຕ່າງໆ. ໃນ​ປະ​ຈຸ​ບັນ, ການຊອກ​ຫາ​ນ້ຳ​ດື່ມ ສາ​ມາດ​ຊອກ​ຫາ​ໄດ້​ຕາມ​ຮ້ານ​ຄ້າ​ທົ່ວ​ໄປ ທີ່​ຢູ່​ໃນ​ເຂດ​ຕົວ​ເມືອງ ແລະ ເຂດນອກ​ເມືອງ.

ແຕ່​ກ່ອນ​ທີ່​ຈະ​ດື່ມ​ນ້ຳ ເຮົາ​ຕ້ອງ​ໄດ້​ມີ​ການ​ຄຳ​ນື່ງ​ເຖິງ​ຄຸນ​ນະ​ພາບ ໂດຍ​ການ​ສັງ​ເກດເບິ່ງນ້ຳ​ທີ່​ທ່ານ​ກຳ​ຈະ​ດື່ມ ໄດ້ເຄື່ອງ​ໝາຍ ອຢ ແລະ GMP ຫຼືບໍ່? ຫຼື ທ່ານ​ໃດ​ໃຊ້​ເຄື່ອງ​ກ່ອງ​ນ້ຳ ກໍ​ຕ້ອງ​ໄດ້​ມີ​ການ​ສັ່ງ​ເກດ​ເບິ່ງວ່າ ມັນ​ມີ 5 ຂັ້ນ​ຕອນບໍ່? ແລະ ສິ່ງ​ສຳ​ຄັນ ເຄື່ອງ​ກ່ອງ​ທີ່​ເຮົາ​ໃຊ້ ແມ່ນ​ມີ RO ຫຼືບໍ່? ຖ້າ​ມີ ນັ້ນ​ກໍ​ສະ​ແດງວ່າ ທ່ານ​ໄດ້​ດື່ມ​ນ້ຳ​ທີ່​ສະ​ອາດ, ປອດ​ໄພ​ ແລະ ປະ​ຢັດ​ເງິນ​ໃນ​ກະ​ເປົາ​ຂອງ​ທ່ານ​ແລ້ວ.

ແຕ່​ເຖິງ​ຢ່າງ​ໃດ​ກໍ​ຕາມ, ນ້ຳ​ດື່ມ​ບັນ​ຈຸ​ຂວດ ຫຼາກ​ຫຼາຍ​ຂະ​ໜາດ ທີ່​ວາງ​ຂາຍ ລ້ວນ​ແຕ່​ເປັນ​ຂວດ​ພາ​ສ​ຕຼິກ ທີ່​ນຳ​ໃຊ້​ພຽງ​ຄັ້ງ​ດຽວແລ້ວ​ຖີ້ມ​ໄປ ຊຶ່ງ​ໄດ້​ກາຍເປັນ​ຂີ້​ເຫຍື້ອ ເຖິງແມ່ນວ່າ ຂວດ​ດັ່ງ​ຈະ​ສາ​ມາດ​ນຳ​ກັບ​ມາ​ແປ​ຮູບ​ເພື່ອ​ໃຊ້​ຄືນ​ໄດ້ ຂີ້​ເຫຍື້ອ​ດັ່ງ​ກ່າວ ກໍ​ນັບ​ມື້​ນັບ​ມີ​ຈຳ​ນວນຫຼາຍ​ຂຶ້ນ. ພ້ອມ​ທັງ, ການ​ດື່ມ​ນ້ຳ​ຂວດ ແມ່ນ​ມີ​ລາ​ຄາເລີ້ມ​ຕົ້ນ 2,000 ຫາ 3,000 ກີບ ບໍ​ລິ​ມາດ​ບັນ​ຈຸ​ພຽງ​ແຕ່ 250 ມິ​ລິ​ລິດ ເມື່ອ​ສົມ​ທຽບ​ກັບ​ນ້ຳ​ດື່ມຂະ​ໜາດ 18 ລິດ ທີ່​ມີ​ລາ​ຄາ​ເລີ້ມ​ຕົ້ນ 5,000 ຫາ 10,000 ກີບ.

ຖ້າ​ຫາກ​ຕົວ​ເຮົາ​ໄດ້​ນຳ​ໃຊ້ ແລະ ພົກ​ພາ ຕຸກ​ນ້ຳ ຫຼື ຂວດ​ນ້ຳ ແບບ​ເຕີມ ແມ່ນ​ຈະ​ຊ່ວຍ​ໃຫ້​ເຮົາ​ສາ​ມາດ​ຫຼຸດ​ຜ່ອນ​ຄ່າ​ໃຊ້​ຈ່າຍ​ໃນ​ການ​ຊື້​ນ້ຳ​ດື່ມ​ໄດ້​ຫຼາຍ, ເປັນ​ການ​ຊ່ວຍ ຫຼຸດ​ຂີ້​ເຫຍື້ອ ແລະ ຮັກ​ສາ​ສິ່ງ​ແວດ​ລ້ອມ​ໃນ​ຕົວ​ເອງ.

ຕຸກ​ນ້ຳ ຫຼື ຂວດ​ນ້ຳ ແບບ​ເຕີມ ແມ່ນ​ມີ​ 2 ແບບ​ຫຼັກ ຄື: ແບບ​ໃຊ້​ນ້ຳ​ຮ້ອນ ແລະ ແບບ​ໃສ່​ນ້ຳ​ເຢັນ. ນອກ​ຈາກນີ້, ວັດ​ສະ​ດຸ​ຂອງ ຕຸກ​ນ້ຳ ຫຼື ຂວດ​ນ້ຳ ແບບ​ເຕີມ ແມ່ນ​ຈະ​ມີ​ 3 ຊະ​ນິດ​ຄື: ພາ​ສ​ຕຼິກ, ແກ້ວ ແລະ ສະ​ແຕນ​ເລດ. ຊຶ່ງທັງ 3 ຊະ​ນິດ ແມ່ນ​ມີ​ທັງ​ຂໍ້​ດີ​ ແລະ ຂໍ້​ເສຍ​ທີ່​ແຕກ​ຕ່າງ​ກັນ.

• ແບບ​ພາ​ສ​ຕຼິກ ແມ່ນ​ເໝາະ​ສົມ​ນ້ຳ​ ທີ່​ຢູ່​ໃນ​ອຸ​ນ​ຫະ​ພູມ​ຫ້ອງ ຫຼື ອຸ​ນ​ຫະ​ພູມ ປົກ​ກະ​ຕິ ແລະ ນ້ຳ​ເຢັນ, ມີ​ລາ​ຄາ​ຖືກ ແລະ ມີ​ນ້ຳ​ນັກ​ເບົາ. ແຕ່​ວ່າ​ຂໍ້​ເສຍ ແມ່ນບໍ່​ສາ​ມາດ​ໃສ່​ນ້ຳ​ຮ້ອນ​ໄດ້ ແລະ ເມື່ອ​ຢູ່​ໃນ​ບ່ອນ​ທີ່​ມີ​ອາ​ກາດ​ຮ້ອນ ແມ່ນ​ຈະ​ມີ​ກິນ​ເໝັ້ນ​ຂອງພາ​ສ​ຕຼິກເກີດ​ຂຶ້ນ ແລະ ຕົກ​ແຕກ​ໄດ້​ງ່າຍ.
• ແບບ​ແກ້ວ ແມ່ນ​ເໝາະ​ກັບ​ນ້ຳ​ຮ້ອນ ແລະ ນ້ຳເຢັນ ແຕ່​ຕ້ອງ​ບໍ່​ຮ້ອນ​ເກີນ​ໄປ ແລະ ເຢັນ​ເກີນ​ໄປ ເພາະ​ຈະ​ເຮັດ​ໃຫ້​ແກ້ວ​ແຕກ​ໄດ້. ແບບ​ແກ້ວ ແມ່ນ​ຖື​ວ່າ​ປອດ​ໄພທີ່​ຈະ​ມີ​ສານ​ພິດ​ຕ່າງ​ໆ. ແຕ່​ຂໍ້​ເສຍ ແມ່ນ​ຈະ​ມີ​ນ້ຳ​ໜັກ​ສູງ, ມັນ​ບໍ່​ສາ​ມາດ​ເກັບ​ຄວາມ​ຮ້ອນ ຫຼື ຄວາມ​ເຢັນ​ໄດ້​ດົນ ແລະ ຕົກ​ແຕກ​ງ່າຍ.
• ແບບສະ​ແຕນ​ເລດ ແມ່ນ​ເໝາະ​ກັບ​ນ້ຳ​ຮ້ອນ ແລະ ນ້ຳເຢັນ, ບາງ​ຍີ່​ຫໍ້ ແມ່ນ​ສາ​ມາດ​ເກັບ​ຮັກ​ສາ​ອຸນ​ຫະ​ພູມ​ໄດ້​ດົນ​ເຖິງ 8 ຫາ 10 ຊົ່ວ​ໂມງ, ນ້ຳ​ໜັກ​ເບົາ, ບໍ່​ຕົກ​ແຕກ​ງ່າຍ ແລະ ມີ​ຄວາມ​ຄົງ​ທົນ​ສູງ. ແຕ່​ວ່າ, ແບບສະ​ແຕນ​ເລດ ແມ່ນ​ຈະ​ມີ​ລາ​ຄາ​ທີ່​ສູງກ່​ວາ ແບບ​ພາ​ສ​ຕຼິກ ແລະ ແບບ​ແກ້ວ.

​ໃນ​ນີ້, ການ​ເລືອກ​ໃຊ້ ຕຸກ​ນ້ຳ ຫຼື ຂວດ​ນ້ຳ ແບບ​ເຕີມ ແມ່ນ​ຈະ​ຕ້ອງ​ໄດ້​ຄຳ​ນຶງ​ເຖິ່ງ ຈຸດ​ປະ​ສົງ​ທີ່​ຈະ​ນຳ​ໃຊ້ ຊຶ່ງ​ຈະ​ເພີ້ມ​ໃຫ້​ທ່ານ​ສາ​ມາດ​ໄດ້​ດື່ມ​ນ້ຳ​ທີ່​ສະ​ອາດ, ພຽງ​ພໍ, ປະ​ຢັດ ແລະ ຮັກ​ສາ​ສິ່ງ​ແວດ​ລ້ອມ​ໄປ​ພ້ອມໆ​ກັນ. ຫາກ​ທ່ານ​ໃດ​ທີ່​ກຳ​ລັງ​ຊອກ​ຫາ​ຕຸກ​ນ້ຳ​ທີ່​ເໝາະ​ກັບ​ຕົວ​ທ່ານສາ​ມາດ​ເຂົ້າ​ມາ​ຄົ້ນ​ຫາ​ທີ່ Lazada ຫຼື ກົດ​ເຂົ້າ​ລິ້ງ https://cl.accesstrade.in.th/001dvb001dtn ນີ້​ໄດ້.