ການພັດທະນານ້ຳບາດານ
ການພັດທະນານ້ຳບາດານ
ນ້ຳບາດານ ມີຄວາມແຕກຕ່າງຈາກນ້ຳໜ້າດິນ ເຊັ່ນ:
1.ນ້ຳບາດນ ເປັນແຫຼ່ງນ້ຳທີ່ປາດສະຈາກຈຸລິຊີ ຊຶ່ງເປັນພາຫະນະທີ່ນຳເຊື້ອໂລກຕ່າງໆ ເນື່ອງຈາກນ້ຳບາດານ ໄດ້ໄຫຼ່ຊື່ມຜ່ານຊ່ອງຫວ່າງຂອງຊັ້ນດິນ ແລະ ຊັ້ນຫີນຕ່າງໆ ເຮັດໃຫ້ເກີດຂະບວນການກ່ອງນ້ຳແບບທຳມະຊາດໃນຕົວມັນເອງ (Natural filtration) ເມັດຕະກອນຂອງດິນ ຈະຊ່ວຍດູດຊັບເອົາພວກຈຸລິນຊີຕ່າງໆ ໄວ້
2.ອຸນຫະພູມນ້ຳບາດານ ແມ່ນຈະຄົງທີ່ ເນື່ອງຈາກນ້ຳບາດານກັກເກັບນ້ຳໃນຊ່ອງຫວ່າງຂອງຫີນຊຶ່ງຢູ່ເລິກລົງໄປຈາກໜ້າດິນ. ສະພາບການປ່ຽນແປງດິນຟ້າອາກາດ ບໍ່ໄດ້ສົ່ງຜົນຕໍ່ອຸນຫະພູມຂອງນ້ຳໃຕ້ດິນ ແຕ່ກົງກັນຂ້າມ ໄດ້ສົ່ງຜົນຕໍ່ນ້ຳໜ້າດິນໄດ້ງ່າຍ ແລະ ບໍ່ຄົງທີ່.
3. ຄວາມຂຸ່ນ ແລະ ສີຂອງນ້ຳບາດານຈະມີໜ້ອຍ-ຫຼາຍ ຫຼື ບໍ່ມີ ເນື່ອງຈາກຂະບວນການກ່ອງນ້ຳຕາມທຳມະຊາດ ຊື່ງນ້ຳໜ້າດິນເກີດນ້ຳຂຸ່ນ ແລະ ມີຕະກອນໄດ້ງ່າຍ, ສີຂອງນ້ຳໜ້າດິນ ອາດຈະມີການເຈື່ອປົນຂອງສານເຄມີ ທີ່ມາຈາກການເຮັດກະສິກຳ.
4. ຄຸນສົມບັດ ແລະ ສ່ວນປະກອບທາງເຄມີ ຂອງນ້ຳບາດານມັກຈະຄົງທີ່, ການທີ່ນ້ຳບາດານກັກເກັບຢູ່ຊັ້ນໃຕ້ດິນ ເຮັດໃຫ້ໂອກາດທີ່ຈະປົນເປື້ອນໜ້ອຍກ່ວານ້ຳໜ້າດິນ ຈື່ງເຮັດໃຫ້ຄຸນສົມບັດ ແລະ ສ່ວນປະກອບທາງເຄມີຄົງທີ່.
5. ປະລິມານນ້ຳບາດານທີ່ຖືກກັກເກັບໄວ້ບໍລິເວນໃດໜຶ່ງ ມັກຈະຫຼາຍກວ່າ ປະລິມານນ້ຳໜ້າດິນໃນບໍລິເວນນັ້ນໆ. ເມື່ອພິຈາລະນາປະລິມານຂອງຊ່ອງຫວ່າງທີ່ນ້ຳບາດານກັກເກັນຢູ່ໃນຊັ້ນຫິນທີ່ຢູ່ເລິກລົງໄປ ຊຶ່ງອາດຈະຢູ່ເລິກລົງໄປເປັນຮ້ອຍແມັດ ເຮັດໃຫ້ນ້ຳໃນບໍລິເວນນັ້ນມີປະລິມານຫຼາຍກ່ວານ້ຳໜ້າດິນ.
6. ແຫຼ່ງນ້ຳບາດານອາດຈະພົບໄດ້ໃນເຂດທີ່ບໍ່ມີນ້ຳໜ້າດິນ.
ການພັດທະນານໍ້ໃຕ້ດິນ ແມ່ນປະກອບມີ 9 ຂັ້ນຕອນດັ່ງນີ້:
1.ການວິເຄາະຂໍ້ມູນ ເຊັ່ນພາບຖ່າຍທາງອາກາດ, ພາບຖ່າຍດຽວທຽ, ແຜນທີ່ TOPO, ແຜນທີ່ຊະນິດດີນ, ແຜນທີ່ການນຳໃຊ້ທີ່ດິນ, ຊັ້ນດິນ ຊັ້ນຫີນ, ບໍ່ນ້ຳໃຕ້ດິນ, ການນຳໃຊ້ນ້ຳໃຕ້ດິນ, ຄຸນນະພາບນໍ້າ ແລະ ອື່ນໆ
2.ການສຳຫຼວດພາກສະໜາມ ແມ່ນມີ 2 ວິທີ ຄື:
2.1 ສຳຫຼວດລັກສະນະພູມມີປະເທດ, ທໍລະນີວິທະຍາ, ອຸທົກທໍລະນີວິທະຍາ ເພື່ອເບິ່ງລັກສະນະໂຄງສ້າງຂອງຊັ້ນນ້ຳໃຕ້ດິນ.
2.2 ການສຳຫຼວດທໍລະນີຟິຊິກ ເພື່ອຊອກຫາການຕ້ານທ້ານ ຂອງໄຟຟ້າເພື່ອກວດຊັ້ນດິນ, ຊັ້ນຫິນ ຂັ້ນຕອນນີ້ແມ່ນຈະສາມາດຊອກຫາແຫຼ່ງ
ນ້ຳບາດານ ແລະ ຈະຮູ້ໄດ້ວ່ານ້ຳເປັນນ້ຳຈືດ ຫຼື ນ້ຳເຄັມ
3. ຄັດເລືອກສະຖານທີ່ ເມື່ອຜ່ານການວິເຄາຂໍ້ມູນ ແລະ ສຳຫຼວດຂໍ້ມູນແລ້ວ ແມ່ນຈະສາມາດຄັດເລືອກສະຖານທີ່ໄດ້ ຊຶ່ງຈະເປັນຊ່ວຍປະຫຍັດເວລາ ແລະ ງົບປະມານ
4. ການເຈາະນ້ຳບາດານໂດຍການນຳໃຊ້ເຄື່ອງມືເຈາະນ້ຳ ທີ່ເໝາະສົມຕາມສະພາບຂອງຫີນ ແລະ ຄວາມເລິກຂອງຊັ້ນນ້ຳ ເຊັ່ນ: ການເຈາະແບບ ກະແທກ, ແບບມູນ ແລະ ແບບປະສົມ. ຈາກນັ້ນ ຈະມີການເກັບຕົວຢ່າງຊັ້ນດິນຊັ້ນຫີນ ເພື່ອປະສົມເກັບຂໍ້ມູນຕ່າງ ເພື່ອອອກແບບການກໍ່ສ້າງ ຫຼື ພັດທະນານ້ຳບາດານ.
5. ການອອກແບບ ແລະ ກໍ່ສ້າງນ້ຳບາດານ ແມ່ນກຳນົດຕ່ຳແໜ່ງວ່າງທໍ່ໃຫ້ຖືກກັບຊັ້ນນ້ຳບາດ ແລ້ວໃສ່ ຊາຍ-ຫີນ ທີ່ກະກຽມໃສ່ຂ້າງບໍ່ຂອງທໍ່ນ້ຳ ເພື່ອປະສິດທິພາບຂອງການໄຫຼຂອງນ້ຳທີ່ໄຫຼເຂົ້າບໍ່ ຈາກນັ້ນການອຸດຂ້າງບໍ່ດ້ວຍດິນໜຽວ ຫຼື ສີມັງ ເພື່ອປ້ອງກັນນ້ຳເປື້ອນໄຫຼຊື່ມເຂົ້າບໍ່
6. ພັດທະນາບໍ່ນ້ຳບາດານ ໂດຍການອັດລົມ ເພື່ອເປົ່າບໍ່ນ້ຳບາດານ ຊຶ່ງຂັ້ນຕອນນີ້ ແມ່ນການອະນາໄມບໍ່ນ້ຳ ຈາກຂະບວນການຂຸດເຈາະ
7. ສູບທົດສອບ ເປັນສູຍບນ້ຳອອກຈາກບໍ່ໂດຍຕ້ອງສູບນ້ຳອອກໃນອັດຕາທີ່ກຳນົດໄວ້ ແລະ ວັດແທກປະລິມານນ້ຳທີ່ປ່ຽນແປງ ໃນໄລຍະເວລາ 6 ຫາ 72 ຊົ່ວໂມງ ເພື່ອຈະໄດ້ຮູ້ ກ່ຽວກັບ ປະລິມານນ້ຳທີ່ມີໃນບໍ່ນ້ຳບາດ, ລະດັບນ້ຳປົກປະຕິ ແລະ ລະດັບນ້ຳທີ່ຫຼຸດລົງ. ຂັ້ນຕອນນີ້ ແມ່ນຈະຊ່ວຍໃນການຄັດເລືອກຈັກສູບນ້ຳໄດ້ຢ່າງເໝາະສົມ.
8. ການວິເຄາະຄຸນນະພາບນ້ຳ ແມ່ນສາມາດເຮັດໄດ້ຈາການ ເບິ່ງດ້ວຍຕາເປົ່າ ໂດຍຈະສັງເກດເຫັນວ່າບໍ່ມີສານແຄວນລອຍ, ບໍ່ມີກິນ, ສີບໍ່ຂຸນ ເປັນຕົ້ນ. ແຕ່ຈະໃຫ້ແນ່ນອນ ແມ່ນຈະຕ້ອງໄດ້ມີການນຳໃຊ້ເຄື່ອງກວດຄຸນນະພາບນ້ຳ ແຕ່ຖ້າຫາກຈະນຳນ້ຳເຂົ້າໄປໃຊ້ໃນການດື່ມ ຫຼື ສ້າງເປັນນ້ຳປະປາ ຈຳເປັນຕ້ອງນຳເອົາຕົວຢ່າງນ້ຳໄປກວດຄຸນນະພາບທີ່ຫ້ອງທົດລອງນ້ຳ. ແຕ່ຖ້າຫາກຕ້ອງການຈະກວດຄຸນນະພາບໃນຂັ້ນເບື້ອງຕົ້ນ ແມ່ນຄວນກວດຄ່າ TDS, pH, ຄວາມເຄັມເປັນຕົ້ນ ຊຶ່ງຫາກຕ້ອງການຊອກຫາເຄື່ອງກວດຄຸນນະພາບແມ່ນສາມາດເຂົ້າຊອກຫາທີ Lazada ຊຶ່ງສາມາດກົດຄຼີກເຂົ້າເບິ່ງໄດ້ທີ່ນີ້ https://cl.accesstrade.in.th/001dvb001dtn
9. ການນຳໃຊ້ນ້ຳບາດ ໂດຍອີ່ງຈຸດປະສົງຂອງການນຳໃຊ້ນ້ຳ.
27 April 2022
Viewed 338 time
