ການເຕີມນໍ້າ Recharge

ນໍ້າເຕີມ Recharge ຄື ນໍ້າທີ່ໄຫຼຊື່ມເຂົ້າຊັ້ນນໍ້າໃຕ້ດິນ ຊຶ່ງຄ່ານໍ້າເຕີມຈາກເທັກນິກທີ່ໃຊ້ຢູ່ໃນປະຈຸບັນ ມີຄ່າທີ່ບໍ່ແນ່ນອນ ເນື່ອງຈາກແຫຼ່ງທີ່ມາຂອງນໍ້າເຕີມ ແລະ ຂະບວນການທີ່ເກີດຂຶ້ນແຕກຕ່າງກັນ ຄ່າທີ່ໄດ້ຈຶ່ງຂຶ້ນຢູ່່ກັບວິທີການກວດຊອບຂໍ້ມູນ. ຄ່າຂອງນໍ້າເຕີມທີ່ມີລາຍງານວິໄຈຢູ່ລະຫວ່າງ 0.00014-3 ແມັດຕໍ່ວັນ. ນໍ້າເຕີມມີຫຼາຍຊະນິດ ດັ່ງນີ້: 

1. ນໍ້າເຕີມທຳມະຊາດ (natural recharge) ແມ່ນນໍ້າທີ່ເຫຼືອຈາການລະເຫີຍ, ການໄຫຼຜ່ານ ແລະ ການຕົກຄ້າງໃນຊັ້ນອີ່ມນໍ້າ ໄຫຼໄປຈົນຊັ້ນນໍ້າ ຂະບວນການທັ້ງໝົດຂຶ້ນຕາມທຳມະຊາດ. 

2. ນໍ້າເຕີມທຽມ (artificial recharge) ຄື ນໍ້າທີ່ມະນຸດຕື່ມປະລິມານນໍ້າລົງໄປໃນຊັ້ນນໍ້າ ໂດຍວິທີການຕ່າງໆ​ ເຊັ່ນ: ອັດນໍ້າດ້ວຍແຮງດັນຜ່ານບໍ່ນໍ້າ ສູບນໍ້າໃກ້ແມ່ນໍ້າເພື່ອໃຫ້ນໍ້າໄຫຼເຂົ້າມາດ້ານຂ້າງຊັ້ນນໍ້າ ແລະ ປ່ອຍໃຫ້ນໍ້າໄຫຼລົງໄປເຕິມດ້ວຍແຮງດຶ່ງດູດຂອງໂລກ ທັງອ່າງເກັບນໍ້າ, ຄອງສົ່ງນໍ້າ, ສະນໍ້າ ຫຼື ການນໍາເອົານໍ້າຝົນທີ່ເຫຼືອໃຊ້ລົງບໍ່ນໍ້າບາດານ.